ठहरै पार्यो मलाई खाँदै नखाको बिषले

ठहरै पार्यो मलाई खाँदै नखाको बिषले
छक्कै पार्यो मलाई तिम्रो छद्म भेषले 

पहिले थियौ सावित्री अहिले पिङ्गला
भत्काइदियौ तिम्ले मेरो मनको बंगला
कहिले निलो कहिले रातो कालो केशले
छक्कै पार्यो मलाई तिम्रो छद्म भेषले 

मनकी रैछ्यौ शूर्पणखा मुखकी मोहिनी
अहिले भइछ्यौ हिडिम्बा पहिले जोगिनी
लठ्ठै पार्यौ पहिले तिम्रो जादु निर्निमेषले
छक्कै पार्यौ अहिले तिम्रो छद्म भेषले 

बद्लिएछ रुप तिम्रो फेरिएछ रङ्ग
साट्टिएछन् कसैसित आनिबानी ढङ्ग
बदलिंदा रंगिन तिम्रा यिनै परिबेशले
छक्कै पार्यो मलाई तिम्रो छद्म भेषले 

ठहरै पार्यो मलाई खाँदै नखाको बिषले
छक्कै पार्यो मलाई तिम्रो छद्म भेषले

लण्डन ।